မြန်မာ့ အမျိုးသမီး နည်းပညာဆိုင်ရာ စွမ်းဆောင်ရှင် မသဉ္ဇာဖြိုး "ကျွန်မ ဗမာ လူမျိုး၊ မြန်မာနိုင်ငံသူ စစ်စစ်ပါ။ အစိုးရ ၀န်ထမ်း မိသားစု မှာ မွေးဖွားလာတဲ့ သူဖြစ်ပါတယ်။ ဖခင် က လျှပ်စစ် အင်ဂျင်နီယာတစ်ယောက်၊ မိခင် က မှီခိုပါ။ မွေးချင်း (၃)ယောက်ရှိပြီး၊ အစ်ကိုကြီးနဲ့ မောင်ငယ်လေးတို့ဖြစ်ပါတယ်။ ကျွန်မ ဒီလို မိသားစု နောက်ခံ ကို အနည်းငယ်ပြောပြရခြင်းမှာ ခိုင်လုံသော ကျွန်မဘ၀ရဲ့ အကြောင်းရင်းတစ်ခုရှိပါတယ်။

Source : Yoyarlay

မြန်မာ့ အမျိုးသမီး နည်းပညာဆိုင်ရာ စွမ်းဆောင်ရှင် မသဉ္ဇာဖြိုး

"ကျွန်မ ဗမာ လူမျိုး၊ မြန်မာနိုင်ငံသူ စစ်စစ်ပါ။ အစိုးရ ၀န်ထမ်း မိသားစု မှာ မွေးဖွားလာတဲ့ သူဖြစ်ပါတယ်။ ဖခင် က လျှပ်စစ် အင်ဂျင်နီယာတစ်ယောက်၊ မိခင် က မှီခိုပါ။

မွေးချင်း (၃)ယောက်ရှိပြီး၊ အစ်ကိုကြီးနဲ့ မောင်ငယ်လေးတို့ဖြစ်ပါတယ်။ ကျွန်မ ဒီလို မိသားစု နောက်ခံ ကို အနည်းငယ်ပြောပြရခြင်းမှာ ခိုင်လုံသော ကျွန်မဘ၀ရဲ့ အကြောင်းရင်းတစ်ခုရှိပါတယ်။

ကျွန်မအပါအ၀င်၊ ကျွန်မတို့ မိသားစု ဟာ ဖခင်ပြောင်းရွေ့တဲ့ နယ်မြို့တွေကို လိုက်ပါပြောင်းရွေ့ရင်း၊ ချင်းပြည်နယ်အပါအ၀င် အခြားသော နယ်မြို့တွေမှာ ပညာသင်ကြားခဲ့ပါတယ်။ ကျွန်မ မွေးရပ်မြေဟာလည်း ဖခင် ပြောင်းရွေ့တာဝန်ထမ်းဆောင်ခဲ့တဲ့ မြို့ထဲက တစ်မြို့ဖြစ်တဲ့ ပဲခူးတိုင်း၊ ပြည်မြို့မှာ မွေးဖွားခဲ့ပါတယ်။ ကျွန်မ အထက်တန်းကို (၁၀)တန်းကို စစ်ကိုင်းတိုင်း၊

စစ်ကိုင်းမြို့ က အ.ထ.က (၁)မှာ ဂုဏ်ထူး အနည်းငယ်ဖြင့်အောင်မြင်ခဲ့ပြီး၊ ကွန်ပျူတာ သိပ္ပံ ဘာသာရပ်ကို၊ မန္တလေးကွန်ပျူတာ တက္ကသိုလ်မှာ တတ်ရောက်ခဲ့ပြီး ဘွဲ့ရခဲ့ပါတယ်။ အထက်မှာ ဖော်ပြခဲ့တဲ့ အတိုင်းပဲ ကျွန်မဖခင် ပြောင်းရွေ့တဲ့ အရပ်များကို လိုက်ပါပြောင်းရွေ့ရသည့် အတိုင်း ကျွန်မ (မန္တလေးကွန်ပျူတာတက္ကသိုလ်)မှာ B.C.Sc ရပြီး ဂုဏ်ထူးတန်းကို ရန်ကုန်ကွန်ပျူတာ တက္ကသိုလ်၊ရန်ကုန်မြို့သို့ (၂၀၀၄)ခုနှစ်မှာ ပြောင်းရွေ့ခဲ့ပါတယ်။ ကျွန်မ မြန်မာပြည်က နယ်မြို့ တော်တော်များများမှာ ပညာသင်ကြားခဲ့ရပါတယ်။ ပညာရေးစနစ်အမျိုးမျိုးနှင့်လည်း ကြုံခဲ့ဖူးပါတယ်။

ကျွန်မ ရန်ကုန်မြို့သို့ ပြန်ရောက်ပြီး ကွန်ပျူတာ ဂုဏ်ထူးတန်းကို စတင်သင်ကြားရတဲ့ အချိန်ကစပြီး ကျွန်မ ဘ၀ဟာ စတင်ပြီး အကြီးအကျယ်ပြောင်းလဲခဲ့ပါတယ်။

အစစ၊ အရာရာ တိုးတတ်ပြောင်းလဲနေတဲ့ ရန်ကုန်မြို့ကို (၈)နှစ်လောက်ခွဲခွာပြီးမှ ကွန်ပျူတာ သိပ္ပံ ဂုဏ်ထူးတန်းကျောင်းသူ အနေနဲ့ ပြန်ရောက်ခဲ့တာပါ။ မတူညီတဲ့ နယ်မြို့နဲ့ ၊ မြို့ပြရဲ့ ပညာရေးစနစ်၊ လူနေမှုအဆင့်အတန်းနှင့် ကျွန်မရဲ့ အခြေခံမပါတဲ့ အချို့သော ပညာအရည်အချင်းတွေကြောင့်၊ ကျွန်မ
ဆယ်ကျော်သက်အရွယ်မှာ တော်တော်လေးကို ပင်ပန်းခဲ့ပါတယ်။ ကျွန်မ ဘွဲ့ရပြီးတဲ့ အထိ ကွန်ပျူတာ သိပ္ပံနဲ့ အလုပ်လုပ်မယ်လို့ တခါမျှမတွေးဖူးခဲ့သူပါ။ ဘ၀ကို ဘာရည်ရွယ်ရမှန်းတောင် မသိပဲ တက္ကသိုလ်ကိုတတ်ခဲ့သူပါ။ သို့ပေမဲ့ ကျွန်မမှာ စိတ်ဓါတ်လေးတစ်ခုတော့ရှိပါတယ်။ စိတ်ဓါတ်ကောင်းလို့ မဆိုပေမဲ့၊ စိတ်ဓါတ်ဆိုးလည်း မဟုတ်ဘူးလို့ ကျွန်မထင်ပါတယ်။ အဲဒါကတော့ ကျွန်မ အလုပ်တစ်ခုကို မဖြစ်မနေလုပ်ရပြီဆိုရင်တော့ ပြီးမြောက်အောင် နောက်ဆုံးအချိန်ထိ အကောင်းဆုံးဖြစ်အောင် လုပ်ပေးလိုက်တာပါပဲ။ ဒီိလိုနဲ့ ကျွန်မ အချိန်တန်တော့ ဘွဲ့ရပါတယ်။ ကျွန်မ (၄)နှစ်တာ ငွေ၊ အချိန်၊ ဥာဏ သုံးပြီး ရခဲ့တဲ့ ဘွဲ့နဲ့ ကျွန်မ အသက်မွေးဝမ်းကျောင်း မပြုပဲ၊ အခြား မသက်ဆိုင်တဲ့ လမ်းကြောင်းကို လျှောက်လှမ်းရမှာ ကျွန်မကိုယ် ကျွန်မ လိပ်ပြာမလုံသလို စတင်ခံစားမိပါတယ်။ (ဒါဟာ ကျွန်မရဲ့ ပုဂ္ဂလိက ခံစားချက်ပါ)။ ကျွန်မ ဒီလိုနဲ့ ပထမဆုံး အလုပ်တစ်ခုကို ၂၀၀၆ ခုနှစ် အစောပိုင်းမှာ စတင်လုပ်ကိုင်ခဲ့ပါတယ်။ အဲဒီအလုပ်ကတော့ Natural Language Processing နယ်ပယ်မှာ "Researcher" တယောက်အဖြစ်နဲ့ စတင်လုပ်ကိုင်ခဲ့ခြင်းဖြစ်ပါတယ်။ ကျွန်မ ဒီအလုပ်ကို ယခုချိန်ထိ ကျွန်မဘ၀ရဲ့ တစ်စိပ်တဒေသ အဖြစ် ချစ်မြတ်နိုးစွာ လုပ်ကိုင်လျှက်ရှိနေပါတယ်။

ကျွန်မတို့ မြန်မာနိုင်ငံ မှာ NLP နဲ့ ပတ်သတ်ရင်၊ အိုင်တီ လောကမှာ အလုပ်မရှိ၊ ၀န်ထမ်းဈေးကွက် အရ အလွန်နည်းခဲ့ပါတယ်။ သက်ဆိုင်တဲ့ အဖွဲ့အစည်းများကလည်း အမှန်တကယ် ဖြစ်မြောက်အောင် မြေတောင် မြှောက်ပေးမှု အားနည်းလွန်းပါတယ်။ သို့သော် အဖွဲ့အစည်းတွေ ဘယ်လိုဖျက်သိမ်းသွားသွား ကျွန်မတတ်နိုင်တဲ့ ဘက်က ကိုယ်ပိုင်အလုပ်တစ်ခုကဲ့သို့ အမြဲတစေ လေ့လာမှုတွေ နေ့ရက်တိုင်း ပြုလုပ်ခဲ့ပြီး၊ ကျွန်မယုံကြည်ချက်ကို ရပ်မပစ်ခဲ့ပါဘူး။ ဒီလိုနဲ့ ဘာသာစကားနဲ့ ပတ်သတ်တဲ့ လုပ်ငန်းစဉ်တွေမှာ မည်သူ၊ မည်သည့်အဖွဲ့အစည်းက အကူအညီတောင်းတောင်း အကျိုးအမြတ်မရလျှင်လဲ ကျွန်မတတ်နိုင်သည့် ဘက်က ကူညီခြင်း၊ မျှဝေခြင်းများ ပြုလုပ်ခဲ့တာ ယနေ့တိုင်ပါ။ ကျွန်မ Software Developer အဖြစ်၊ ကုမ္ပဏီ တစ်ခု၏ General Manager အဖြစ်၊ စသည်ဖြင့် အမျိုးမျိုး နေရာမှာ အလုပ်လုပ်ခဲ့ရင် ကျွန်မ NLP နှင့် မြန်မာ ဘာသာဗေဒ ပညာရပ်များကို အမြဲလေ့လာခဲ့ပါတယ်။ ၂၀၁၃ (နိုဝင်ဘာ) လ အစောပိုင်းတွင် ကျွန်မကို Myanmar Text To Speech Synthesizer တည်ဆောက်ရန် Team Leader အဖြစ် အဖွဲ့အစည်းတစ်ခုမှ ကမ်းလှမ်းခြင်းကို ခံခဲ့ရပါတယ်။ ဒီဇင်ဘာ (၁) ရက်၊ ၂၀၁၄ ခုနှစ်မှာ လုပ်ငန်းစတင်ခဲ့ပါတယ်။ ကျွန်မ အလုပ်တစ်ခုကိုလုပ်တဲ့အခါ စီးပွားရေးအရ အကျိုးအမြတ်မရခဲ့ရင်တောင်၊ ကျွန်မရဲ့ လုပ်ကိုင်နိုင်မှုစွမ်းအားကို ကျွန်မကိုယ်ကျွန်မ သိအောင်၊ မြင်အောင် ပြနိုင်မယ့်အလုပ်မျိုးကို သိပ်သဘောကျပါတယ်။ ကျွန်မ ယခင်က လေ့လာခဲ့တဲ့ ပညာရပ်များ၊ အခြားနိုင်ငံများတွင် တတ်ခဲ့သည့် သင်ခန်းစာများကို အခြေခံပြီး၊ ဆရာသမားများ၏ လမ်းညွှန်မှုများနဲ့ ပေါင်းစပ်က Myanmar Text To Speech Project ကို တည်ဆောက်ခဲ့ပါတယ်။ Myanmar Text To Speech System ဟာ မျက်မမြင်များ၊ အမြင်အာရုံေ၀၀ါးနေသူများအပါအ၀င်၊ အမြင် (သာမန်လူ) များပါ အသုံးပြုနိုင်မည့် စနစ်တစ်ခုဖြစ်ပါတယ်။ မည်သည့် မြန်မာစာကို မဆို - လူသားတစ်ယောက်ကဲ့သို့ အသံထွက်ဆိုပေးနိုင်မည့် အင်ဂျင်အမျိုးအစားဖြစ်ပါတယ်။

(၆)လတာ ကာလာအပြီး ကျွန်မ Beta Version အနေနဲ့ ထုတ်ဝေနိုင်ခဲ့ပါတယ်။ ယခု အခမဲ့ ဖြန့်ဝေထားပါတယ်။ Development Process ပြီးလျှင် opensource အနေနှင့် ဖြန့်ချိမှာဖြစ်ပါတယ်။

ကျွန်မ Myanmar Text To Speech ကို လုပ်ငန်းစတင်တည်ဆောက်ခြင်းဟာတော့ (၆)လတာကာလတစ်ခုတည်းမဟုတ်ပါဘူး။ အနှစ်နှစ်ကာကာလ လေ့လာခဲ့သော လုပ်ငန်းစဉ်များကို အခြေခံပါတယ်။ ကျွန်မ အနေနဲ့ Myanmar Text To Speech ကိုတည်ဆောက်ခြင်းဟာ ထူးကဲသော အခွင့်အရေးထူးတခုအနေနဲ့ မှတ်ယူပြီး စိတ်ရောကိုယ်ပါ လုပ်ကိုင်ပါတယ်။ ကျွန်မ တတ်နိုင်တဲ့၊ တတ်ကျွမ်းတဲ့ ပညာရပ်ဖြင့် လူတစ်စုကို အကျိုးပြုနိုင်ဖို့ အမြဲကြိုးစားနေမှာပါ။ကျွန်မကိုလည်း NLP or Burmese Language နဲ့ ပတ်သတ်ပြီး ကျွန်မမသိသေးသော၊ မသင်ကြားနိုင်ခဲ့သော အရာများကို ပွင့်လင်းစွာ၊ ထောက်ပြ၊ မျှဝေဖို့ မျှော်လင့်ပါတယ်။ကျွန်မသည်လည်း လေ့လာသင်ယူ၊ မှတ်သားနေသူအဖြစ် ကျွန်မ တတ်နိုင်သည့်ဘက်က မျှဝေပါတယ်။

ကျွန်မဟာ သိပ်ကို တော်ပြီး၊ ထက်မြတ်သော အမျိုးသမီးတယောက် မဟုတ်ပါဘူး။ ကျွန်မ လုပ်တဲ့ လုပ်ငန်းတစ်ခုကို နည်းမှန် လမ်းမှန်နှင့် ပြီးမြောက်၊အောင်မြင်အောင် တာဝန်ယူတတ်သော စိတ်ဖြင့် သာ ကြိုးစား လုပ်ကိုင်နေသူတယောက်ပါ။ ကျွန်မ ကြိုးစားမှုတိုင်းမှာ ရိုးသားမှု အမြဲကပ်ပါလာနိုင်အောင် သတိဖြင့် နေထိုင်နေသူပါ။

မြန်မာနိုင်ငံ က အိုင်တီနယ်ပယ်မှာ မိန်းကလေးတွေ လုပ်ငန်းခွင်ဝင်မှု အားနည်းတယ်ဆိုတာ ဖြစ်ကောင်းဖြစ်ပါလိမ့်မယ်။ကျွန်မ အဲဒီအတွက် မည်သည့် မှတ်ချက်မှ မပေးလိုသော်လည်း၊ ယခုလက်ရှိ အိုင်တီနယ်ပယ်ထဲမှာ အလုပ်လုပ်ကိုင်နေကြသော မြန်မာအမျိုးသမီးများ မိမိကိုယ်ကို အရည်အချင်း ပြည့်ဝသော၊ မလိုအပ်သော မာန်မာနများ၊ အတွေးများမထားစေလိုပဲ၊ မိမိအသက်မွေးဝမ်းကျောင်း အလုပ်ကို ယုံယုံကြည်ကြည် လေးလေးစားစား လုပ်ကိုင်စေလိုပါတယ်။ မိမိအလုပ်အပေါ် ယုံကြည် လေးစားတန်ဖိုးထားပြီး အရည်အချင်းပြည့်ဝအောင် ၀မ်းစာဖြည့်ထားနိုင်မယ်ဆိုရင် မိမိ မိသားစု၊ ပတ်ဝန်းကျင်နှင့် မိမိချစ်သူ၊ အိမ်ထောင်ဖက် စသူ တို့ကလည်း နားလည်လာကြမှာ မလွဲမသွေပါပဲ။

ကျွန်မ အမြဲတမ်း လက်ကိုင်ထားတဲ့၊ ကျွန်မကို တွန်းအားဖြစ်စေတဲ့ စာလေးတကြောင်း (သို့) ကျွန်မကိုယ်ပိုင် ဆောင်ပုဒ်တစ်ခုရှိပါတယ်။ "သူများမပြောင်းလဲရင်...ကိုယ်ကစပြီး ပြောင်းလဲပါ''

ကျွန်မလုပ်နေတဲ့ အလုပ်ကို မည်သည့်တာဝန်ရှိသူ၊ မည်သည့်အဖွဲ့အစည်းကမှ မသိလျှင်၊ အရေးမစိုက်လျှင်နေပါ။ သုတေသနလုပ်ငန်း ထောက်ပံ့ပေးမှု၊တန်ုးဖိုးထားမှု အားနည်းသော အဖွဲ့အစည်းများရှိတဲ့ အတွက်လည်း ကျွန်မ မရပ်တန့်ခဲ့ပါ။ ကျွန်မ အခြားသူ ပြောင်းလဲဖို့ စောင့်မနေပါ။ ကျွန်မတတ်နိုင်တဲ့ ဘက်က ကျွန်မတို့ရဲ့ တန်ဖိုးရှိလှသော ဗမာနှင့် အခြားတိုင်းရင်းသာ ဘာသာစကားကို ပိုမို အဓွန့်ရှည်ပြီး၊ စနစ်ကျအောင် ကွန်ပျူတာ သိပ္ပံ ဘာသာရပ်ဖြင့် ထိန်းသိမ်းမှုတွေကို ပြုလုပ်ဖို့ရာ ကျွန်မတာဝန်ဟု ယူဆထားပါတယ်။ ကျေးဇူးတင်ပါတယ်။"

ရိုးရာလေး မှတ်ချက်

မသဉ္ဇာဖြိုး (Thin Zar Phyo) ဟာ ဆိုရင် မြန်မာ့ နည်းပညာလောကမှာ စွမ်းစွမ်းတမံ ကြိုးစားနေတဲ့ အမျိုးသမီး ပညာရှင် တစ်ဦး ဖြစ်ပြီး Geek Girls Myanmar အမည်ရ အဖွဲမှ ဇူလိုင်လရဲ့ စံနမူနာ အမျိုးသမီးတစ်ဦးအဖြစ် ရွေးချယ်ဖော်ပြခဲ့ပါတယ်။ Geek Girls Myanmar ဆိုတာကတော့ မြန်မာပြည်ရှိ အမျိုးသမီး နည်းပညာရှင်မျာအချို့က ဦးဆောင်ဖွဲ့စည်းထားတဲ့ ကိုယ်ကျိုးမဖက် လူမှုအဖွဲ့အစည်း ဖြစ်ပြီး နည်းပညာလောကက ပညာရှင်အမျိုးသမီးများကို ကူညီမြေတောင်မြောက်ပေးလျက် ရှိတဲ့ အဖွဲ့အစည်း ဖြစ်ပါတယ်။