ဘယ်လိုအချိန်မျိုးတွေမှာ အလုပ်ထွက်ဖို့ မဖြစ်မနေ ဆုံးဖြတ်ချက်ချသင့်သလဲ

အလုပ်မှာ ကြုံတွေ့နေရတဲ့ စိတ်ပျက်စရာကိစ္စတွေ၊ မမျှော်လင့်ထားတဲ့ လုပ်ငန်းအတွေ့အကြုံတွေကြောင့် 

စိတ်အဆင်းရဲကြီး ဆင်းရဲနေရပြီလား တချို့သော အမျိုးသားတွေဟာ သူတို့ရဲ့ လက်ရှိအလုပ်ကနေ ထွက်

ချိန်တန်နေတာကို သတိမမူဘဲ အဆင်ပြေမလားဆိုတဲ့ အတွေးနဲ့ ဆက်လက် ရုန်းကန်နေကြဆဲပါပဲ။ ဒါဟာလည်း တချို့တွေပြောတတ်တဲ့ “တကယ်တော်တဲ့ လူတစ်ယောက်ဟာ ဘယ်တော့မှ လက်မြှောက်ထွက်မသွားဘူး”ဆိုတဲ့ စကားမျိုးတွေကြောင့် သင့်ကို မပျော်ရွှင်မှုတွေနဲ့ ဆက်လက် ရှင်သန်နေစေပြန်ပါတယ်။

ဆက်လက် ဖက်တွယ်နေဖို့ အကြောင်းပြချက်မရှိတော့ဘူးဆိုပါစို့။ အလုပ်က တကယ်ထွက်ချိန်တန်ပြီ

 ဖြစ်ကြောင်း အလွန်သေချာတဲ့ အကြောင်းပြချက် (၅)ခု ပြောပြပါရစေ။

(၁)     အလွန်အကျွံ စိတ်ဖိစီးမှုများအောက် ရောက်ရှိနေရင်
  အနည်းငယ် စိတ်ဖိစီးရတဲ့ နေ့ရက်တွေဆိုတာ လစဉ်လိုလို ရှိတတ်ပါတယ်။ ဒါပေမယ့် ဒီလိုစိတ်ဖိစီးမှုမျိုးတွေချည်း နေ့စဉ်ရက်ဆက် အလွန်အကျွံ ခံစားနေရတယ် ဆိုရင်တော့ ဒီအလုပ်ဟာ သင်နဲ့ မသင့်တော်ပါဘူး။ ဒါကြောင့် နောင်တမရခင် အရင်ထွက်လိုက်ပါ။

(၂)     စိန်ခေါ်မှုတွေ မရှိတော့ရင်
 နေ့တွေ ၊ လတွေ ၊ နှစ်တွေများစွာ ဆယ်စုနှစ် တစ်စုလောက်တိုင်အောင် သင့်အလုပ်ဟာ သင့်ကို ဘာ
စိန်ခေါ်မှုမှ မပေးနိုင်တော့ရင် ဒါဟာ အချိန်တွေကို အလဟဿ ဖြုန်းတီးပစ်နေတာပါပဲ။ ဒီအချိန်ဟာ တခြားအ

သက်မွေးဝမ်းကြောင်းတစ်ခု စတင်ပြောင်းလဲသင့်တဲ့ အချိန်ပါ။

(၃)     ကုမ္ပဏီဟာ ဘယ်နေရာမှာမှ ဦးမဆောင်နိုင်တော့ရင်
ကုမ္ပဏီဟာ နှစ်ရှည်လများ နာတာရှည်ရောဂါမျိုး တဖြည်းဖြည်းလှိုက်စားနေတဲ့အခါ သင့်ကို လက်ရှိပေးနိုင်တဲ့လစာထက် ပိုပြီး မပေးနိုင်တော့ပါဘူး။ နောက်ပြီး သင့်ရဲ့ အနာဂတ်ဟာလည်း ဘာမှ ရေရေရာရာ မ

တွက်ဆနိုင်တော့ ဘူးဆိုရင် ဒီကုမ္ပဏီကို သံယောဇဉ် ဖြတ်သင့်ပါပြီ။ အလုပ်တစ်ခုကို ရှာဖွေတဲ့အခါ ၀င်ငွေတစ်ခုတည်းကို မကြည့်ပါနဲ့။ ဒီကုမ္ပဏီဟာ အနာဂတ်ရည်မှန်းချက်အစီအစဉ်နဲ့ အိမ်မက်တွေဘယ်လောက် ထိ ရည်မှန်းအကောင်အထည် ဖော်နိုင်မလဲဆိုတာကို ချင့်ချိန်ပါ။

(၄)     အလုပ်မှာ စိတ်တက်ကြွ ရှင်သန်ဖို့အင်အား ရှာမတွေ့တော့ဘူးဆိုရင်
ရည်မှန်းချက်ဆိုတာ လူတိုင်းအတွက် အရေးအကြီးဆုံးအရာတစ်ခုဖြစ်လို့ ဒီစိတ်ဓါတ် ပျောက်ပြယ် လွင့်ပါးသွားတာမျိုး ဘယ်တော့မှ မဖြစ်သင့်ပါဘူး။ အခုသင့်ရဲ့ လက်ရှိအလုပ်ဟာ သင့်ကို မပြောပလောက်တဲ့ ရည်မှန်းချက်လေးပေးထားပြီး တိုးတက်နိုင်တဲ့ နယ်ပယ်မှာ မလုပ်နေရဘူး ဆိုရင်တော့ မှန်ကန်တဲ့နည်းလမ်းနဲ့ အဆုံးသတ်ဖို့ ဆုံးဖြတ်သင့်ပါပြီ။

(၅)     စိတ်အာရုံတွေ အဝေးကိုသာ ပျံ့လွင့်နေတယ်ဆိုရင်
အလုပ်က သင့်ကို လုံလောက်တဲ့ စိတ်ဝင်စားမှုတွေ မပေးစွမ်းနိုင်တော့တဲ့ အခါ ပျင်းရိခြင်းက ကြီးစိုးလာပြီး 

ငြီးငွေ့ခြင်းတွေနဲ့အတူ ငိုက်မြည်းနေတတ်ပါလိမ့်မယ်။ ဒါဟာ သင့်အတွက်ရော သင့်အလုပ်ရှင်အတွက်ပါ အတော်လေး စိတ်ကသိကအောက်ဖြစ်စရာ အခြေအနေပါ။ ဒါမျိုး ဖြစ်နေပြီဆိုရင် ကိုယ်စိတ်ပါဝင်စားနိုင်တဲ့ အလုပ်တစ်ခုကို ရှာဖို့လိုအပ်နေပါပြီ။ ဘ၀ဆိုတာ အချိန်ခဏလေးဖြစ်ပြီး အင်မတန်ကုန်လွယ်ပါတယ်။ 

ဒါကြောင့် နယ်မြေသစ်ကို စတင်ရှာဖွေပါ။ တရွတ်ဆွဲ အလုပ်လုပ်နေခြင်းဟာ သင့်အနာဂတ်အတွက်သာမက ကုမ္ပဏီအနာဂတ်အတွက်ပါ ထိခိုက်နိုင်ပါတယ်။

Credit: Trend Myanmar